8. ବ୍ୟକ୍ତ ଏବଂ ଅବ୍ୟକ୍ତକୁ ବୁଝିବା
ରାଡାର୍ ସହିତ ସଂଲଗ୍ନ ହୋଇଥିବା ଏକ ଛୋଟ ଉପକରଣ, “ଟ୍ରିମଟାବ’ରେ ସାମାନ୍ୟ ପରିବର୍ତ୍ତନ, ଏକ ବୃହତ ଜାହାଜର ଦିଗ ପରିବର୍ତ୍ତନ କରେ । ସେହିଭଳି, ଗୀତାର ଅଧ୍ୟୟନ ପାଇଁ ସାମାନ୍ୟ ପ୍ରୟାସ ଆମ ଜୀବନରେ ଏକ ମହତ୍ତ୍ୱପୂର୍ଣ୍ଣ ପରିବର୍ତ୍ତନ ଆଣିପାରେ । ଲକ୍ଡାଉନ୍ ଅବଧି ଯେପରି ଆମେ କୋଭିଡ୍ -19 ସମୟରେ ଅନୁଭବ କରିଥିଲୁ, ଗୀତାର ଅଧ୍ୟୟନ କରିବାକୁ ବ୍ୟବହୃତ କରିଥିଲେ ଆମେ ଜୀବନରେ ବହୁତ ବଡ଼ ପରିବର୍ତନ ଦେଖି ପାରି ଥାଆନ୍ତୁ |
କିଂଡ଼ରଗାର୍ଟନ ଠାରୁ
ଆରମ୍ଭ କରି ସ୍ନାତକୋତ୍ତର ପର୍ଯ୍ୟନ୍ତ ଆଭ୍ୟନ୍ତରୀଣ ହୃଦୟଙ୍ଗମ ପାଇଁ ଗୀତା ଏକ ଶାଶ୍ୱତ ପାଠ୍ୟ
ପୁସ୍ତକ ଏବଂ ସମ୍ଭବତ ପ୍ରଥମ ଥର ପଢ଼ିବାରେ ଏହାର କମ୍ ଧାରଣା ବୁଝାପଡେ । ଯଦି ଆମେ ଅବ୍ୟକ୍ତ
ଏବଂ ବ୍ୟକ୍ତ ଦୃଷ୍ଟିକୋଣରୁ ଦେଖିବା, ତେବେ ସେଗୁଡିକ ସହଜରେ
ବୁଝିହେବ । ଅବ୍ୟକ୍ତ ହେଉଛି ଯାହା ଆମର ଇନ୍ଦ୍ରିୟ ବାହାରେ ଏବଂ ବ୍ୟକ୍ତ ହେଉଛି ଯାହା
ଇନ୍ଦ୍ରିୟଗୁଡ଼ିକର ପରିସର ମଧ୍ୟରେ ।
ବ୍ୟକ୍ତର କାହାଣୀ ‘ବିଗ୍ବେଙ୍ଗ’ ଠାରୁ ଆରମ୍ଭ କରି ତାରା ଗଠନ, ଏହି ତାରାଗୁଡ଼ିକର ମୂଳରେ
ଉଚ୍ଚ ରାସାୟନିକ ଉପାଦାନର ପରମାଣୁର ମିଶ୍ରଣ, ତାରାଗୁଡ଼ିକର ବିସ୍ଫୋରଣରେ ଏହି ଉପାଦାନଗୁଡ଼ିକର ବିସ୍ତାର, ଗ୍ରହ ପ୍ରଣାଳୀ ଗଠନ ଏବଂ ବୁଦ୍ଧିମାନ ଜୀବନ ପର୍ଯ୍ୟନ୍ତ । ବୈଜ୍ଞାନିକ ସମ୍ପ୍ରଦାୟ ଦ୍ୱାରା
ଏହା ଗ୍ରହଣୀୟ ହୋଇଛି । ଏହି ବ୍ୟକ୍ତ ଜୀବନ ରୂପ, ଗ୍ରହ,
ତାରା ଏବଂ ଏପରିକି ବ୍ରହ୍ମାଣ୍ଡର ଏକ ନିର୍ଦ୍ଧିଷ୍ଟ ସମୟ ସୀମା ଅଛି ।
ତଥାପି ଏହି ସମୟ ସୀମାର ମାପ ଭିନ୍ନ ହୋଇପାରେ ।
ଆମର ବୁଝାମଣା ଯେ
ଆମେ ଜନ୍ମରୁ ମୃତ୍ୟୁ ପର୍ଯ୍ୟନ୍ତ ବିଦ୍ୟମାନ, ଯାହା ବ୍ୟକ୍ତ ଦୃଷ୍ଟିକୋଣରୁ ସଠିକ୍ । ଗୀତା ଅନୁଯାୟୀ, ଅବ୍ୟକ୍ତ ଦୃଷ୍ଟିକୋଣରୁ ଆମେ ଜନ୍ମ ପୂର୍ବରୁ ଉପସ୍ଥିତ ଥିଲୁ ଏବଂ ମୃତ୍ୟୁ ପରେ ବିଦ୍ୟମାନ
ରହିବୁ । ଏହି ହୃଦୟଙ୍ଗମ ସହିତ, ଆମେ ସେମାନଙ୍କ ମଧ୍ୟରେ ଥିବା
ସମ୍ପର୍କକୁ ସହଜରେ ବୁଝିପାରିବା ଏବଂ ଏହି ବୁଝାମଣା ଆମକୁ ଅବ୍ୟକ୍ତକୁ ହୃଦୟଙ୍ଗମ କରିବାର
ଲକ୍ଷ୍ୟ ହାସଲ କରିବାରେ ସାହାଯ୍ୟ କରିପାରିବ ଯାହା ମୋକ୍ଷ ନାମରେ ଜଣାଶୁଣା ।
ଏହି ଲକ୍ଷ୍ୟ ହାସଲ
କରିବାରେ ଅହଂକାର ଏକ ପ୍ରତିବନ୍ଧକ । ବାହ୍ୟ ସୁଖ କିମ୍ବା ଦୁଃଖକୁ ଖାତିର ନକରି ଆମେ ଯେତିକି
ମାତ୍ରାରେ ଆନନ୍ଦରେ ପରିପୂର୍ଣ୍ଣ ହେଉ ତାହା ଅବ୍ୟକ୍ତ ପର୍ଯ୍ୟନ୍ତ ପହଞ୍ଚିବା ପାଇଁ ଭ୍ରମଣର
ଦୂରତାର ଏକ ସୂଚକ ।
Comments
Post a Comment